البحث في الموقع


قائمة المراسلات

الأسم
البريد
الجوال
مثال 9665XXXXXXX
نوع الأشتراك  

الدخول للبريد الإلكتروني

اسم المستخدم
كلمة المرور

 طباعة الصفحة  أرسل لصديق  

قصتي ويا العمليه enjoooooooooooy!

تاريخ النشر: 3/16/2009

احب انقل لكم تجربتي اللي احب اسميها نقطه الفصل في حياتي ....بصراحه كانت هذي الخطوه كبيره كبيره لدرجه اني افكر فيها بالضبط ولللامانه من قبل سنه ونص ..ورحت زرت دكاااتره كثير وشرطي الوحيد بالدكتور انه يكون سعودي وذلك عن تجربه فالطب السعودي مؤتمن اكثر من غيره ...ولكن للاسف لم اكن احس براحه عند جلوسي مع كل طبيب اقابله ...شعور كان يجيني بعدم رغبتي بالاقدام على هالخطوه او انو بيصير لي شي ..


المهم....من هنا ومن هنا والغالبيه كان النترنت صديقي على طول الدرب ...المواقع الاجنبيه وبالذات الميركيه فهمتني عن طبيعه العمليه وعن ماذا اتوقع ....وهذا الكلام كله خلال هالسنه ونص اللي فاتت.....بصراااحه يا جماعه عمري ماقلت هالشي من قبل لكن...ااااخر شي كنت افكر فيه قبل لا تغمض عيوني هو العمليه واول شي افكر فيه اول ما افتح هو العمليه بعد...صار يعتبر هوس ..

 

طبعا انا اعاني من زياده الوزن بعد تعرضي لحادث سياره بالخبر كنا مارين من عند شارع المستشفى الحكومي بالخبر كنت توني طالعه ومخلصه فحوصات شغاله جديده وكنت انا حامل بالشهر التاسع وباقي لي عالولاده تقريبا اسبوعين ...الشغاله والسواق طبعا قدام وانا كنت ورا...وبدون ما اتذكر اي شي عن الحادث اللا اني اذكر اني فتحت عيوني والناس تحاول تفتح السياره لاخراجي منها وانا كنت في منطقه القدمين تحت بالسياره!!!!!!!!!(انا وبطني وكل شي) .


المهم ...لما طلعوني طبعا لا غطى ولا هم يحزنون مع اني البس النقاااب هذاك اللي يربط من القمه ربط ولد امه ما يفكه...هههههههه...بس سبحان الله من قوه الضربه طار كل شي ...ادور غطاي ادور نقابي واطالع حواليني ..رجااااااااااااااااااااااال كلهم اغراب وانا مو متستره...تخيلتوا الشعور المرعب!!


طالعت سيارتي لقيت ان الحادث صار في تقاطع من اليمين خبطتنا ليموزين ومن اليسار جمـــــــــــــــــــــــــــــــــــس يعني صرنا ساندويتش....
الحمدلله رب العالمين الشغاله والسواق ما فيهم اللا العافيه يامال اللي....ههههههههههه...وانا اللي تكسرت على اثر ذلك صرت ما اقدر امشي خمس شهووور....طبعا قبل كذه من موقع الحادث ودوني التعليمي وبهذلوني وطلبت اطلع على مسؤووليتي (من يومها وانا مصدر مسؤووول) ورحت على طووووووول لمستشفى سعد وانسدحت عندهم...اليم ولدت بعد اربع ايام من رحمه ربي فيني كانت الولاده والطلق وكله كله نص ساعه وجاني احلى طلال!!

 

من يومها اخواني وانا اااكل من الباتشي والشوكولاين والوليمه ولازورد وهالكلام الين ما صرت 110 خلال ثمان شهووور طبعا المرحله الثانيه كانت احباطات متكرره ونفسيه تعبانه وعصبيه على طول الخط وعزله تامه عن اي حدث اجتماعي لا يخص العايله المقربه ...


اضف الى ذلك ان عندنا بالعايله زياده في الوزن من جهة الجده وكنت بصراحه خايفه اصير زيها الله يغفرلهااا في يوم من الايام كنت اقلب النت بحثا عن معلومات قد تفيدني بهالموضوع...اللا واطيح على موقعكم المبجل واللي بصراحه قبل لا اصير عضوة فيه حسيت براحه وعزمت عالعمليه في سعد ورتبت اموري نفسيا على كذه...

 

كتبت اول موضوع لي وكان موجه للدكتووور الجمييييييييييييييييييييييييييل عبدالحميد المؤمن وكان الرد على موضوعي رساله خاصه من هابي فيس فيها ان الدكتور يبي يكلمني ضروري وهذا رقم موبايله..... انا قعدت اطااااااااامر من الفرحة ..زما توقعت سرعه الرد ...وكان هذا اليوم اربعاء ...فذرابة مني استنيت الين السبت الصباح ودقيت عالدكتور الرائع
انا: الو السلام عليكم دكتور
الدكتور: وعليكم السلام
انا :دكتور معاك......من الرياض انا مصدر مسؤول من المنتدى
الدكتور: ايه ايه ...اهلا اهلا يا ....كيف حالج؟ انا كنت استنى المكالمه من زماااااان؟
انا:صحيح دكتور بس انا قلت حتى الدكتور لازم يحصل على ويك اند هادي وقلت اكلمك السبت وانت بالعيادات...
الدكتور::مشكور يا ....اتفضلي اشرحي لي حالتج ؟بس اول انتي مقرره اي نوع من العمليات؟
انا :بصراحه دكتور انا وزني ...وطولي...وحبيت اسوي تحوير بس انا مو من الخبر يعني باجي اجازة العيد وراجعه الرياض ومرتبطه باطفال ومدارس ...في امكانيه اخذ موعد اول الاجازه واخلص تحاليلي بسرعه وتتقرر العمليه بدري عشان ارتاح عند اهلي طول الاجازة..
الدكتور :اوكي يا ....انتي متى جايه الخبر؟
انا :انا جايه انشالله الاربعاء او الخميس..
الدكتور :خلاص موعدج وياي السبت الصباح ونخلص التحاليل والفحوصات في يوم واحد واذا ما في مشاكل عندج انا باحطج مبدئيا عالعمليات يوم الاحد يعني ثاني يوم ...انتي عندج اي مشاكل صحيه؟
انا : لا والحمد لله...
الدكتور :اذا موعدنا انشالله السبت الجاي
انا: مشكور دكتور الله يجزيك عني كل خير
الدكتور :اشدعوه يا ...انتي بنتنا بنت الخبر وانا حاضر لاي خدمه موبايلي عندج اي استفسار لا تترددين
اانا::مشكور يا دكتور الله يخليك والله هذا المتوقع منك
الدكتور:مع السلامه.
انا:مع السلامه


يانااااااااااااااااااااااااااس فرحتي ما فوقها فوووووق
بس سكرت الموبايل قلت هذا الدكتوووووووووور اللي ابيه يسوي لي العمليه...سبحان الله ربي حط فهالانساااان قبووول وروعه موووووووووووش معقوووله .

 

رحت وسويت احلى غدى...عشان ابو الشباب يندهن سيره عدل...وتعدلت انا على سنجت عشره..
المهم ...جا وتغدينا وانا خوش مره وشغل عدل وسم وابشر...طبعا هو عنده الفكره من زمان بس ما يندرى يمكن يعيي علي واللا اتوهق بروحي ..
انا:ابو فلان؟
هو:سمي..
انا :سم الله عدوك...عسى الله يسم اسرائيل يا رب
هو:اخلصي علينا وش فيه(عاد شمري اذا عصب ما ينلعب وياه)
انا:تذكر موضوع العمليه اللي قلت لك عليه من قبل( وانتا وافقت)
هو:ايه اذكر...وش فيه
انا:لا بس نويت اسويها انشالله بالخبر هالعطله ....(تترااااااعد)شرايك؟لاهنت
هو:انا قايل لتس من قبل انا ما عندي مانع بس على مسؤوليتتس...انا تعرفيني ما احب الواحد يلعب بعمره بس اذا انتي مقتنعه go ahead
انا: عسى عمرك طويل يا بعد روحي...وصدقني انا مو بس مقتنعه انا اعرف كل شي in and outعن العمليه...ما راح تندم باذن الله...
هو:المهم انتي تعرفين زين وش تبين وانا باحطلتس في حسابتس اللي يكفيتس واكثر بعد وش تبين(بحنان)
انا :عساني ما ابكيك يا بعد عمري


خلصت هنا المرحله الاولى وبالنسبه لي الاصعب.....
هذا الكلام كان الثلاثاء...الاربعاء اااخر يوم دراسه..الخميس الصباح شلت قشي انا وعيالي ومشينا للخبر....طبعا اول ما جيت رحت لخوالي وعمي اغلى شخص عندي بالعالم وسلمت عالكل وبدت رحلة تجهيز اغراض المستشفى...وطول الوقت ادعي ان الله يعدي التحاليل على خير...واكون مرشحه مثاليه للعمليه...
 


يوم السبت الصباااااح موعدي الساعه عشره عند الدكتووور عبدالحميد...
انا واختي الصغيره(طبعا مو صغيره ابد عمرها 20)وهي اللي مأيدتني على طول الخط...كلمت السواق وطلع يصخن السياره وانا متحمسه عالااااخر ...فرحانه فرح كني طفل يوم العيد..
ركبنا السياره ورحنا المستشفى وكل ما قربنا قلبي احسه بيطلع من صدري...بس بفرح..
جيت الاستقبال واخذتني (اليس) واخذت vital signsودخلت عالدكتور
كانت احلى دخله على دكتور في التاريخ الحديث..طبعا سألني كل شي ممكن يسأله وقاللي شتعرفين عن العمليه.....انا قاللي شتعرفين.....وعينكم ما تشوف اللا النور....قررررقررررقررررقررررقررررقررررقررررقررررق ررررقرررقرررقررقرررر
والدكتور يطالعني ويضحك بعدين قاللي :ايش متوقعه يكون نظامج بعد العمليه؟
وطبعا مصدركم ما صدق...قرررقررررقرررررقرررررقرررررقررررقررر
طبعا بعين الانبهار الدكتور قعد يقوللي ماشالله عليج انتي عارفه كل شي يبقى الحين التحاليل والفحوصات ....وبعدين تجين عشان finalize كل شي وانا حاطج مبدئيا عالعمليات بكره...
طلعت من عند الدكتور ورحت الاب ويا اليس وخذوا مني دم وبعدين رحت الاشعه وسووولي اشعهفي منطقه الصدر والبطن...وبعدين عياده امراض القلب سوولي تخطيط وهالكلام...ورحت عند اخصائيه التغذيه حامده...وفاطمه..وفهموني بعض الاشياء اللي كانت غامضه.....
عالساعه 12,30 الظهر خلصت كل شي وباقي المقابله الثانيه ويا الدكتور...طبعا الحين في بريك!!!!


قعدنا انا واختي في الكوفي شوب وطلبنا تشيكن سالاد ودايت بيبسي(دخلت في الدور) الين يجي الدكتور من البريك...المهمرجعت له مره ثانيه وقاللي :فلانه...انا ما ني شايف اي مانع من قيامنا بالعمليه بكره الصباح وانا باحطج الاولى في الجدول...شقلتي؟؟؟؟
انا طبعا ويني دورووووني....الدنيا ما شالتني من الفرحة....وقلت له اوكي دكتور انا الليلله اجي الساعه 12 وما عليك...هههههههههههه...طبعا هنا سلمت عالدكتور وقاللي اشوفج بكره انشالله  طلعنا من المستشفى ومرينا على اختى الثانيه بعد اصغر مني بس توها عرووووس ورحنا نتغدى الغداء الاخير....رحنا فرايدايز ....واكلنا واكلنا...وفي اشياء طلبناها ما كليناها اخذناها تو قوو!!!حق عيالي...


المهم...رحت البيت وجهزت الشنطه وامسكت عن الاكل من ست المغرب مع انهم قالولي ثمان بس مشتطه حدي....
رحت ويا ابوي واختي الصغيره المستشفى بالليل تقريبا 12 على طول من الطواريء الى قسم التنويم ودفعنا ودفعنا جات نيرس وودتنا الغرفه....وودعت ابوي واختي ...وكانت اختي تبي تقعد وياي بس قلت لها :اتس اوكي وانا كبيره واليوم مو محتاجه احد ينام عندي...سلموا على وابوي كان مره حزين وانا اقنع فيه :يبه ترى لمصلحتي ...يبه تراها بسيطه...يبه شوف المنتدى وقصص النجاح...عاد ابوي يموت عالنت...وحريف كمبيوتر(عمره65)الله يخليه لي بس ابوي على طول يقتنع بكلامي...وراحوا بحفظ الله..

طبعا طول الليل ياخذون ضغط وخرابيط وقالو لي نامي ولا جاني نوم...قعدت اسبح واتزقرت وبعدين قعدت اقرا قرااااان وقلت خليني لاخر مره اصلي االاستخاره.... الحمدلله مرتاحه عالاخر...
يا جماعه بصراحه شعور الانتظار ويا الحماس والفرحة ما حسيت فيه اللا يوم عرسي
جاووني الصباح من العمليات اثنين واحد اسمه برنارد والثانيه مره حبوووبه بس ما يحضرني اسمها للاسف وبكل حب وحنان ودوني تحت بعد ما شكلت بقميص العمليه..ودخلت قسم العمليات وجاني دكتور التخدير وشافني اوكي قاللي ما تحتاجين مهدي ماشاللله عليك..


المهم دخلوني العمليات وجا الفريق الطبي وكل من جا يسلم علي وانا ارصد الحركات اللي عالطاولات والبلاوي المسدحه في كل مكان...وما ادري شلون واللا انا بغرفتي فوووووووق!!!!!!!!!!
امي تصيح واختي تصيح وانا اهذري وجبت العيد...بس كل شي تمااااااامين وحته...وبنفس اليوم بالليل صرت امشي شوي شوي ...واخذت شور قبل ما انام....والحمدلله الدكتور وفريقهما قصروا ابد
بس تعبت ...
 

عدد الزوار: 5900