البحث في الموقع


قائمة المراسلات

الأسم
البريد
الجوال
مثال 9665XXXXXXX
نوع الأشتراك  

الدخول للبريد الإلكتروني

اسم المستخدم
كلمة المرور

 طباعة الصفحة  أرسل لصديق  

و مرت سنـــه على " عملية التحوير "

تاريخ النشر: 3/16/2009

 

ققبل سنين كثيره وانا لي تجارب وصولات وجولات مع الكثيــــــر من انواع الرجيمات
الوزن الزايد كان مشكلة في حياتي من طفولتي كنت اعتبر الاكل هو حل لكل مشاكلي  بمعنى انه متى ما تضايقت متى ما طفشت متى مازعلت .. آكل الى ان وصلت لمرحلة في حياتي وهي قبل سنتين وصلت لمرحلة جدا صعبة .. تعرضت لضغط وظروف اثرت على نفسيتي كثير كان الحل طبعا وبدون اي تحكم مني .. هو الاكل الى ان وصلت لمرحلة الخطر وبدا وزني يزيد عن الـ100 كيلو .


فكرت بعملية الربط خصوصا وان قريبه لي عملتها برضو عند د.عبدالحميد وكانت عملية ناجحه لكن لما زرت الدكتور وبلغته برغبتي بعملية الربط رشح لي اجراء عملية التحوير لانني وصلت لوزن مرتفع .. وكان وزني يزيد بفتره قليله  شرح لي اياها وبلغني بانها مناسبه لي وراح تفيدني على المدى البعيد خصوصا ان عمري صغير .. 25 سنه وانها راح تبين آثارها على وراح استفيد منها اكثر من الربط .


بعدها بحثت وقرأت الكثير عن عملية التحوير والاهم من كذا استخرت وحسيت بـ راحه شديده و رغبة كبيــــرة واندفاع لها حسيت انها الحل .. وانها هي اللي راح تغير لي حياتي طبعا اهلي كلهم كانوا معارضين الموضوع لكن وصولي لوزن 137 كان شي جدا صعب علي تقبله
اي رجيم اللي راح ينحفني كل هالوزن و حتى لو نحفت مشكلتي في اني اعتمد على الاكل كاشباع لكل مشاعري السلبيه شي ماراح اقدر اغيره
اتخذت القرار واعتمدت على الله .

بعدت ما حدد لي الدكتور موعد وتاريخ اجراء العملية بدينا رحلة الفحوصات طبعا انا لي سنه فا ناسيه بالضبط ايش اللي عملته لكن اذكر عملت تحاليل , مريت على دكتور عام , و اظن دكتور تخدير << موب متاكده الحمدلله كانت التحاليل نتايجها اوكي اخر ليله طلعنا انا واخواتي وصديقاتي الى مطعمي المفضل و كانت الوداعيه لاخر مره اكل فيها بكمية كبيره .

 

دخلت المستشفى قبل العملية بـ ليله وطلبوا مني ما اكل شي بعد الساعه 12 بالليل لان العملية الصباح اعطوني حبة مهدئه تساعدني انام وارتاح بس عيني ماشافت النوم ذيك الليله انا انسانه جدن قلقة وخوافه فا ماكان مني الى اني دخلت العملية وانا مواصلة الصباح دخلت الممرضة واعطتني " الحقنة الشرجية " عشان تنظف كل شي وانتوا بكرامة اعطتني اللبس وغيرت وهنا بديت اتوتر لانوا قاعده انتظر لما جا وقت عمليتي دخلت ممرضة من قسم العمليات ونزلوني تحت عند قسم الجراحه .


كان سريري في قسم قريب من غرف الجراحه بداوا يلصقون على ظهري وجسمي لصقات لتخطيط القلب اظن وهنا جا الدكتور عبدالحميد سلم علي وبدا الخوف حسيت انو خلاص من جد بيسوون لي العملية << يعني كانوا يمزحون معك مثلا ؟
الدكتور عبدالحميد انسان طيب و مريح ويتلق بمرضاه ماشاء الله عليه .. وتحمل خوف اهلي وقلق الوالد طول فترة العملية .


بعد كذا جا دكتور التخدير وشفت بيده الابره قلتله هذا المخدر ؟؟ قال لا هذا ابره مهدئه هو عطاني اياها وانا اللي ما ادري عن الدنيا بعدها اتوقع خدروني قبل لا ادخل غرفة العمليات لاني كنت مره مره خايفه ومتوتره طبعا اللي جربوا العملية راح يفهمون شعوري اول ما يصحون من البنج تحس كانك نمت 5 دقايق وصحيت ! واسمع صوت اللي حولي يحاولون يصحوني بس عيوني مقدر افتحها !


كانت اختي بجمبي تقرا قرآن في اذني وكنت اسمع الوالد يبكي كنت مقدر اتحرك بس اقول في قلبي يارب لك الحمد لانوا كنت اسمع اللي يصحوني ينادون باسمي ويقولون لي اصحي كل شي تمام وخلصت العملية !


اممممم
عشان اكون صريحه معاكم
كنت احس بألم في بطني لما صحيت واتذكر انو كنت ابكي ويقولون لي لا تبكي ارتاحي وكنت اقول لهم ابي مخدر موب قادره اتحمل ويقولون لي مانقدر نعطيك زياده خطر عاد ترا انا مره مدلعه وما اتحمل الم فا كان ذا شي عظيم بالنسبة لي في ناس تتحمل عادي .. زي ماقال د. عبدالحميد انو نسبة تحمل الالم تختلف من شخص لآخر بس انا كنت اصرخ عليهم ومعصبة وابكي كان الدكتور عبدالحميد حريص على الشي اللي ينلف على السيقان ويعمل زي ضغط الهوا عشان يمنع تجلد الدم بعد ما صحيت انتقلت الى " وحدة العناية المركزة "

 

في وحدة العناية المركزة كنت نايمه اغلب الوقت و كان فيه ممرضة جدن جدن طيبه موجوده طول الوقت معاي في الصباح اخذت شاور وارتحت كثير بعده .. لما الواحد يحس انه نظيف يرتاح نفسيا حاولوا يخلوني اتحرك وامشي في الغرفه مر علي د.عبدالحميد وطمننا بان كل شي كان اوكي .


طلعت للغرفه ثاني يوم  و عملت اشعه عشان يشوفون مسار المعده والامعاء وانه مافي اي تسرب في الجرح خلوني اشرب شي طعمة تعيس جدن وكنت اشوف شكله وهو يمشي داخلي على شاشة الاشعة بعد ماطلعت نتيجة الاشعة جابولي الاكل للغرفه كان شوربة - موية - عصير - شاي - جيلي - مهلبيه اشربهم بكوب مره صغير كل ربع ساعه كوب واحد بسبعدها بكم يوم يشيلون قسطرة البول وانتوا بكرامه , ويشيلون الـDrains اللي هي انبوب داخل بفتحه صغيره في البطن عشان يسحب السوايل .

كانوا كل يوم يخلوني امشي في الممر بالمستشفى طلعت تقريبا بعد 4 ايام اول فتره كنت ما اشرب الا سوائل وطبعا ابد ابد ابد ما احس لا بالجوع ولا بالشبع عباره عن بالساعه اخذ كوب صغير من اي مشروب وطبعا بدون سكرالفتره اللي بعدها الاكل المهروس وبكميه هم يحددونها يعطوني اكواب اقيس فيها طبعا اول فتره هي اللي صعبه لانو كل شي متغير اهم شي اللي حولك يدعمونك نفسيا
واهم شي يكون الواحد متحمس للحياه الجديده الصحية والاهم انه يتصور عشان يقارن نفسه بعد سنه .

عمليتي كانت في شهر 4 عام 2007 بوزن 137 كيلو اليوم في شهر 7 2008 انا بوزن 75 كيلوفي ظرف سنه نزلت 62 كيلو اللهم لك الحمد
اليوم حركتي اسهل والرياضه نوعا ما صارت امتع اكثر من قبل لانها بوزن اخف اليوم نفسيتي مرتاحه ثقتي بنفسي صارت كامله احس مافي اي شي بادنيا مستحيل علي العمليه ماتغيرك من برا بس .. تغيرك من داخل وتغير الناس اللي حولك .. كل اهلي وصاحباتي فرحانين لي ومت|أثرين بالتغيير اللي مريت فيه .


باختصار اشعر اني انسانه ثانيه صرت اقارن نفسي " قبل " و " بعد " العمليه الاكل بالنسبة لي ما احرم نفسي من شي اكل كل اللي اشتهيه بس بكميه قليله مره احرص اختار الاكل المفيد .. يعني رحت على مطعم وقدامي انواع كثيره احاول اختار الدجاج - الخضار - اطلب عصير بدال اي مشروب غازي مش مفيديعني صرت احاول اتحكم بخياراتي الحلا والسكر برضو اكلهم بس بكميه قليلة عشان زي ما انتوا عارفين بعد التحوير ممكن الواحد يتعرض لـsugar rush يعني لما فجاه تزيد نسبة السكر في الدم يتعرض الواحد لدوخه وشعور بتنميل في الاطراف .


اخذ كبسولات كالسيوم واصارع نفسي عشان اخذ الفيتامينات << د. عبدالحميد بيذبحها الفتره اللي ما اخذت فيها الفيتامينات طاح نص شعري فا بليز تحرصون عليها كل الحرص شعري كان يضرب فيه المثل الحين خفيف وباهت .


امممم وش بعد ؟
الاشياء اللي تضايق انو ما اقدر اكل وانا لا بسه شي ضيق يعني بنات لما تروحون مطعن لازم تروحون الحمام تفتحون سحاب الجينز وترجعون برضو وقت الاكل عشان حجم المعده صغير تكثر الغازات واصوات المعده تصير عاليه ولما الخبط في الاكل تألمني معدتي يعني مثلا تغديت على الساعه 1 .. بعدها بساعه لو اكلت فاكهه او حلا حتعورني بطني اقل شي يكون في فرق 3 ساعات بين كل وجبه والثانيه كذا اكون مرتاحه واكون مرتاحه لما تكون وجبات كثيره وصغيره لما اكل وجبه كبيره وغالبا تكون في مطعم .. اتعب باقي اليوم احس كان في حجر بمعدتي من الثقل يعني الواحد يبيله ينتبه على اختيارات الاكل عشان يستفيد من الفيتامينات ويحرص على تعليمات الدكتور والفيتامينات لانها مو مزح راح ينضر الواحد بدونها الرياضه مهمه جدن المتابعه مع الدكتور ومع اخصائية التغذية شي اساسي خصوصا في البدايه ايش الفايده من العمليه اذا راح نهملها ؟


دكتوري الفاضل عبدالحميد المؤمن لك مني كل الشكر دايما اذكرك بالخير وادعيلك بالتوفيق في الدنيا والاخره يارب تحت امركم بخصوص اي سؤال بالدنيا خذوا راحتكم احنا اخوان وقروب واحد مافيش احراج .

 
اختكم M.i.H


 

عدد الزوار: 10998